قصتي مع العاهرة +18

... اوووف واش هاد الماكينة ماكاتسكتش وا بزاف واش تاني خاصني نوض انا عييت بزز مني خاصني نوض ولا غانسكن فهاد الكلية تا نشد فيها التقاعد، نعرفكم براسي سميتي اسماعيل 23 سنة طويل شوية و سويمر ولكن عندي حقي من الوسامة انا اخر العنقود واليديا من تزنيت وساكنين فيها عندي جوج خوتي مزوجين واحد طبيب و التاني استاد جامعي كل واحد فيهم بدارو ومستقر، المهم كولشي عايش بخير غير انا لي خرجت ليهوم من الجنب، اوا دابا خليوني نوض من نهار شديت الباك وانا فهاد الكلية داير الاقتصاد وهاد العام الخامس ليا هنا وباقي ماشديتش لاليسونس هاد العام حلفت تا نشدها، المهم نضت بالزربة ولبست حوايجي سروال دجين وتيشورت فالصفر فوق منو دجاكيط كحلا كونفيرس صفرا، أهم حاجة عندي النقا و النظام خرجت بالزربة تال لافاك و نفطر بقيت واقف تنتسنى الطاكسي شوية وقفات حدايا واحد البنت كانت اية فالجمال والله عطاها واحد البراءة فوجهها واخا نوصف فيها منقدرش نوفيها حقها، الموهيم انا ماقدرتش نحيد عليها عينيا بقيت حاضيها وكاندعي ربي تعطل هاد الطاكسي، بقينا واحد 10 دقيقة شوية وقفات الطاكسي مشيت ركبت حداها وكنت أسعد واحد ماقدرتش نهدر معاها ولا حتى نهز عينيا، وصلنا حدا الكلية وهي تهبط بزربة نزلت تا انا بغيت غير نعرف فين غاتمشي واو على صدفة تاهي تتقرا فنفس الكلية ديالي، المهم دخلات و أنا تانفكر كيفاش غادي نلقاها و نعرف سميتها شوية وهي طيح ليها واحد الورقة بلا ماتشوفهاش تميت غادي بزربة وهزيتها، كانت البطاقة الجامعية ديالها و أنا تنقرا تنلقى سميتها حلا و أصلا مايمكنش تكون سميتها عادية عندها 20 سنة بنت مراكش ونعم الناس دابا نقدر نتبعها ونبقا ديما حاضيها مادام الورقة عندي ...

... مشيت دخلت للمحاضرة وركزت مزيان مع ل 12 أول حاجة درتها هي مشيت ل لاليست ديال السنة الاولى قلبت عليها عرفت اشمن سيكسيون وقيدت لومبلوا ديالها باش نبقا حاضيها مزيان و رجعت للدار تغديت تكيت شوية وانا نرجع الشريط اللور، واه كيفاش بنت شفتها اول مرة نحبها ونتعلق بيها هادي ماشي أول مرة نشوف البنات ولا أول مرة تصاحبت ولكن هادي دارت فيا العجب مورا 2 سنوات و نا معتزل التصاحيب والبنات ومن الدار ل لافاك ومن لافاك للدار حتى الدراري ماتليت تنسهر معاهوم، هاد البنت دخلات ليا قلبي بريءة وهي لي غادي تكون حلالي موستحيل نخليها تمشي من يديا نعست على هاد الاساس على ودها حياتي غادي تبدل ونبني مستقبلي ونخليها تكون ليا وانا بوحدي، فقت فالصباح تزيزت عاوتاني كانت عندي غي 2 سوايع موراها خرجت ديركت عند حبيبة القلب قربت من لونفي 4 بانت لي خارجة منو واو شحال غزالة لابسة سايا فالزرق معاها قميجة فالبيض واو شحال تايجي معاها البيض ودايرة فلار مخلط مابين البيض والزرق، بقيت تابعها من اللور دخلات الكافي وخدات قهيوة وگلسات بوحدها باينة معندهاش مع البشر حسن نيت هادي هي الفرصة ديالي نتعرف عليها

- أنا : السلام عليكم

- حلا : وعليكم السلام ورحمة الله تعالى وبركاته

- انا : الاخت حلا، وي هي انا

- أنا : ختي البارح ركبت معاك فالطاكسي وملي كنتي خارجة طاحت ليك هادي

- حلا : شكرا بزاف البارح كولو وانا تانقلب عليها، بلا مانسولها گلست ومديت ادي باش نسلم عليها انا اسماعيل 3 انيي من تزنيت

- حلا : وهي حادرة راسها سمح ليا خويا ماتنسلمش

- أنا : امكن بيتعجبو ولكن حسيت بقلبي تزاد فيه الحب من جيهتها

ولطالما حبيت المرا لي بينتزوج تكون محافضة على راسها انا صافي دغيا رديتها ديالي، نتي جديدة هنا

- حلا : هادا العام الاول ليا هنا ماكنتش تانحضر غي حيت قربو الامتحانات

- أنا : امكني نساعدك باي حاجة طلبي وماتحشميش

حلا :انا ماتنعرفش هنا حتا حد واخا نطلب منك تشرح ليا شيحوايج فالكونطا عافاك

- أنا : ماطلبتي غ الموجود خوك عزيز عندو شي د' الحساب غي الحفاضة ماتهدريش عليها، المهم دوزنا 2 سوايع وانا تنشرح ليها وتعمدت نخلي لبارتي لي مهما باش نلقا سبا باش نعاود نهدر معاها، تافقنا نتلاقاو فنفس المكان باش نشرح ليها الغد ليه تلاقينا وشرحت ليها لي بقا وملي سالينا مشينا تغدينا فواحد السناك وتعرفت عليها كتر والصدمة أنها

.. مشينا تغدينا فواحد السناك و تعرفت عليها كتر والصدمة أنها تتسكن حدايا عند خالتها حيت عائلتها كاينة فمراكش وبلي هي الكبيرة فدارهم وباها مريض ومها هي لي تتصرف على الدار، المهم من بعد الغدا تفارقنا من بعد ما تبادلنا النوامر على أساس ايلا بغات تسولني على شي حاجة، من بعد مشات وأنا كان خاصني نزيد واحد 2 سوايع أول ما خرجت من المحاضرة صونيت ليها وبقيت بزاف وانا تنتسنى تجاوبني والو شوةا وهي تصيفت ليا ميساج بلي ماتقدرش تجاوبني حيت خالتها حداها و وقتما قدات غاتصوني ليا، بقيت تتنتسناها تا داني نعاس ملي فقت الصباح لقيت بلي صونات ليا مع 4 د' صباح واه هادي شنو مفيقها تال هاد الوقت، فطرت خرجت صونيت ليها جاوباتني

- حلا : الو السلام عليكم

- أنا : وعليكم السلام كيدايرة بخير

- حلا : الحمد لله وانت، صبر شوية هاني خارجة نتلاقاو حدا الطاكسي

- أنا : وي هاني كانتسناك، بقيت شوية بانت ليا جاية ولابسة جلابة خضراء مع شال بيج وبلغة جات غزالة غير وصلات لعندي ومع هي ماتاديرش المكياج بانت ليا واحد ضربة فجبهتها سولتها مالها گالت ليا والو وبلي غير ضربات راسها مع الباب، ماكرهتش فديك اللحظة نگوليها بلي انا تنبغيها وبلي مانقدرش نشوفها تتألم واني نواعدها نحميها من أي حاجة فهاد الدنيا ولكن مازال الحال حتى نتأكد بلي حتى هي تتبغيني، كملنا طريقنا كيفما ديما ملي نساليو المحاضرة تنتلاقاو نراجعو نتغدوا ونتمو راجعين بجوج، كل نهار على نفس الحال تا وليت مانقدرش نعيش بلا بيها وحتى هي ولات تترتاح ليا كتر وكتر، وصل نهار الامتحانات فقت الصباح تانلقى اتصال ديالها معا 4 د' صباح لي ستفسرت منو وايلي گالت بلي تتنوض فديك الوقت تحفض، اتصلت بيها باش نمشيو مجموعين حيت ماكنتش نقدر ندوز نهار بلا مانشوفهاش دوزنا أول نهار مزيان وتمينا راجعين فالطريق صادفنا واحد الراجل كبير فالعمر كان راكب واحد 4×4 غي شافنا جا جيهتها وهي ارتبكات وماقدراتش تصرف تم جارها بواحد الطريقة وبعدو عليا شوية بان ليا عاطيها شي فلوس فيديها و هي مازاد كترتابك كتر وكتر من بعد مشا السيد وديمارا، جيت قربت منها تانسولها شكون هاد الشخص لي مرتاحيتش ليه گالت ليا بلي راه راجل خالتها وبلي كانت طلبات منو شي فلوس ودابا عاد جابهوم ليها، مافكرتش فالامر حيت كنت كانتيق فيها بزاف وماعمري شكيت فيها...

... رجعت للدار من بعدما اتصلت بيها و تأكدت بلي وصلات حيت كانت تترفض رفضا تاما نرافقها تال للدار حيت خافت تشوفها خالتها و تسبب ليها شي مشكل😒 ، قطعت الاتصال غير بزز شوية تتصوني ليا الواليدة من بعد سؤال على الاحوال طلبت مني نرجع لتيزنيت فأقرب وقت حيت الاب ديالي محتاجني بزاف وكان تيتسنى غير امتا نشد لاليسونس باش نلتحق بيه فالعمل ديالو لي كان شركة ديال logistique ف كانت هاد الايام هي الفرصة الدهبية باش نعترف لحلا بالحب ديالي قبل مانمشي لتيزنيت وبحكم أني كنت إنسان خجول😳 بقيت كانفكر فشي طريقة تكون مميزة باش نعبر ليها بلي تانبغيها😚 ، فاللول كنت بيت نعرض عليها لشي بلاصة ونفاتحها فالموضوع ولكن ماكنتش قاد حيت غانرتابك 😐 ، بعد تفكير طويل قررت نكتب ليها رسالة تتعبر على المشاعر ديالي و بطريقة زوينة حيت رغم التطور تتبقى الرسالة المكتوبة عندها مكانتها فالرومنسي،ة نسيت بزربة خديت ورقة وبديت نكتب ونمسح لا هادي زوينة لا هادي خايبة بعد صراع طويل مع المخ ديالي قديت نعصر منو هاد الكليمات😜 :

فكرت كثيرا لماذا أُحبكِ كل هذا الحب.. لم أعرف.. ربما لأنكِ حريتي.. ربما لأنكِ إرادتي التي فرحت بها لأول مرة وأنا أقتحم بها الظروف وأحطم كل ماحولي من خير وشر لأصل إليكِ.. ربما لأنكِ أنا وقد ظفرت بكِ وبنفسي في ذات الوقت .. سحر خفي في الوجود دلني عليه حُبِك .. ما أكثر ما يستطيع الحب أن يفعله ! ربما تستغربين من كلماتي هده لكني مند رأيتك أول مرة وانا واقع في غرامك ولا يمر علي يوم لا احلم فيه فحياتنا معا ولا اتخيلك معي بجانبي في كل لحظات حياتي انا اعشقك واحبك وسأضل احبك حتى اخر نفس لي في حياتي، طويت الرسالة ديالي وملبست عليا وخرجت تانجري عند مول الدهب خديت ليها واحد القلادة دهبية فيها واحد القلب صغير فوق منو حمامة صغيرة 📿 غلفتها هي والرسالة ديالي، صيفط ليها ميساج بلي ضروري بغيت نشوفها فالمقهى لي تانتلقاو فيه ديما بقيت گللس واحد 15 دقيقة بانت لي جاية، جلست تتسنى نهضر ماقديتش بقيت غير نشوف فيها

- حلا : دوي مالك خلعتيني هانيا

- انا : هانية غي بغيت نگوليك بلي غدا ان شاء الله راجع للدار حيت الواليد محتاجني وقبل مانمشي بغيت نعطيك واحد الحاجة ونتمنى يكون الجواب ديالك عليها اجابي 😊....

... قلت ليها ملي تمشي للدار تفكر فلي مكتوب تما و موراها نبغي نسمع الجواب ديالها، صافي تفارقنا وانا كلي أمل أنها تستاجب ليا وتحبني كيفما تنحبها وبعد ما وصلنا للمكان لي مولفين نتفارقو فيه خليتها حتا بعدات شوية قررت هاد النهار نتبعها نعرف فين تتسكن وبلا ماتعرف بقيت غادي موراها حتى بانت ليا داخلة لواحد الدار كبيرة بزاااف😮 بقيت واقف بعيد وحاضي الدار شوية كايبان ليا واحد السيد اشقر👱 باينة عليه شي نصراني واقف فالبالكون تايكمي، شوية وقفت حداه واحد المرا اشنو نگول ليكوم تايبان منها كتر من النخبي😋😂 بقيت تنتعجب من هاد المشهد كيفاش "حلا" الملاك تعيش فدار بحال هادي، ماخرجني من الأفكار ديالي ايلا اتصال من الواليدة ديالي تاتخبرني بسوء الحالة الصحية ديال الواليد ديالي، مباشرة تاجهت لتيزنيت وصلت للدار وتلهيت بالحالة ديال الواليد ونسيت نتاصل ب حلا ونعرف الجواب ديالها شوية كانسمع الواليدة كاتعيط باك مات 😢😭 يارب الصبر يا رب الصبر الله ارحمو واوسع عليه وبدات الدموع تاطيح، بعد شهر...

اوووف مال هادي من نهار جيت ل تيزنيت ماعمرها جاوبات على الاتصالات ديالي خاصني نمشي لدارها نشوف باينة واقعة ليها شي حاجة

- الواليدة: مالك اولدي داوي غي بوحدك

- انا : لا امي غي الخدمة وصافي عييت كولشي فوق راسي

- الواليدة : غير صبر اولدي انا حاسة بيك ولكن راه خوتك كولا وهمو غير صبر اولدي راك نتا لي عندي شكون يگول باك غايخلينا كان ديما تايگول مافيك فايدة وهانتا اوليدي من لي شديتي الادارة والشركة القدام القدام تبارك الله على ولدي...

... غير صبر اولدي راك نتا لي عندي شكون يگول باك غايخلينا😞 كان ديما تايگول مافيك فايدة وهانتا وليدي مني شديتي الادارة والشركة القدام القدام تبارك على ولدي😌

- أنا : الدعوات ديالك امي هي لي وصلاتنا لهنا😊

- الواليدة : كون سافعتيني يا ولدي كون تزوجتي هند بنت خالتك قارية و فاهمة وتهز معاك الحمل شوية

- أنا : وا مي الله اهديك راه گلت ليك نهار نبغي نتزوج انا لي غانگولها ليك و هند راه بحال ختي و البنت لي نتزوج بيها راه انا لي نختارها

- الواليدة : أنا بغيت نشوفك بوليداتك قبل مانموت مابغيت ليك غير الخير ولي بغاها ولدي هي لي نجيبوها واخا ماتلقاش حسن من هند

- أنا : واخا ا مي مايكون غي الخير، مشيت للخدمة وأنا گالس فالبيرو ديالي ماقادرش نركز فالخدمة حلا خدات ليا التفكير الخاص، بغيت نمشي نشوفها ولكن الخدمة تراكمات عليا خصوصا الشراكة الجديدة مع اكبر المقاولين فمجال التصدير السيد الانصاري خدات ليا الوقت كامل خاص غير ندوزو هاد الحفلة لي غاتكون السبت الجاي كولشي نرميه مورا ضهري و نمشي عند حبيبة القلب حلا واخا نعرف نخطفها من دارها، غير سالات الحفلة مع ل 12 هزيت السيارة ديالي واتجهت نحو المكان لي تانحس فيه بالراحة ديالي، وصلت الدار ديالي فاش كانت ساكن وقررت اني غاندير دويرة حدا الدار ديال حلا بقيت واقف شوية...

... شوية كانشوف الدار لي تاتحضن الجدران ديالها النصف التاني ديالي لي خداتو مني بالبراءة ديالها وبقيت كانتدكر الذكرايات ديالنا بجوج لي ماعمري حاولت فيها نتقرب منها بشي طريقة تتقل بالحياء وتتخدش الكرامة ديالها، شفت فالساعة كانلقا 2 د' صباح قررت نمشي ننعس باش غدا نفيق بكري ونمشي نشوف حلا ديالي، شوية تاتبان ليا واحد السيارة وكاتخرج منها واحد البنت لابسة واحد الكسوة لاصقة على جلدها تتبين كامل تفاصيل الجسم ديالها و طالقة الشعر و تتضحك بواحد الطريقة سوقية، ماقدرش نميزها مزيان ولكن مايمكنش ننسى وجه حلا واخا تاتبان مبدلة لا لا مستحيل تكون هي ياربي غادي نتسطى واش حلا هادي واش انا تانحلم خديت التليفون ديالي وبديت كانصوني ليها شوية البنت بدات كاتحل الصاك ديالها وبدات كاتخرج التليفون ديالها وقطعات ودخلات للدار وهي معنقة واحد الراجل شارف باينة عليه ماشي مغربي، فالوقت لي قطعات على الاتصال بقيت غير تانشوف مستحيل الفتاة لي كنت تانخاف عليها من الهواء لي كنت تنصونها وتعشق البراءة ديالها ولي على قبلها درت هادشي كامل باش نعيشها بحال الاميرة تطلع غي عااهرة مستحيل، ماقدرتش ننعس كل التفكر ديالي عند حلا واش حلا يقدر يخرج منها هادشي مستحيل مستحيل، سمعت الادان د' الفجر نضت من بلاصتي توضيت صليت ودعيت من كل قلبي ماتكونش هاديك حلا مابغيتش نخسر حياتي، لبست عليا خديت السيارة وقفت بعيد شوية على الدار وبقيت تانراقب لي خارج ولي داخل شوية بان ليا داك الراجل خارج بحال الشفار من الدار غير سالت وركب فالسيارة ديالو، وصلات 10 بانت ليا حلا خارجة كيفما العادة لابسة جلابة فالزرق مع شال فالبيض وبلغة بيضة، بقا تابعها حتى دخلاتو لوحد السوبر مارشي و أنا نتبعها من موراها وأنا نعيط ليها حلا غير شافتني وهي دموعها بلا ماتحس نزلو ليها...

... بقيت تابعها حتي دخلات لواحد السوبر مارشي🏪 دخلت من موراها و انا نعيط ليها "حلا" 🗣غير شافتني وهي طيح دموعها😢 بلا ماتحس وجات تاتجري جيهتي، فلحظة توقفات و بقات تاتشوف فيا بنظرة كلها حب و الم نظرة خوف و امان

- حلا : مانقدرش مانقدرش نساني نساني علاش رجعتي علاش نتا ماتستحقش وحدة بحالي نساني عافاك وبدات تاتبكي بهستيرية حتى طاحت مغمى عليها، غير شفتها فداك الوضع نسيت الحقد نسيت انها مجرد ( .... ) فقط الحب هو لي كان مسيطر عليا والرغبة فحمايتها، هزيتها بين يديا وكانت فقط إنسانة ضعيفة اتجهت بيها نحو السيارة وخديتها للدار بقيت گالس حداها تانتامل فالملامح ديالها و نتخيل حياتي معاها لو مكانتش هاكا ( علاش احلا خليتيني نتعلق بيك ) بعد 2 ساعات حلات عينيها وبدات كاتقلب فالمكان بعينيها

- حلا : فين انا شكون جابني هنا

- انا : ملي سخفتي جبتك لهنا

- حلا : خليني نمشي مابغيتش نعذبك معايا مابغيتش نظلمك معايا نساني

- انا : ماغاتخرجيش من هنا حتى تشرحي لي كولشي

- حلا : عافاك حسن ليك ماتعرف نساني

- انا : مايمكنش ليا ننساك ماغانخليكش تخرجي من هنا حتى نعرف كولشي

- حلا : شنو بغيتي تعرف أني وحدة رخيصة (وبدات تتبكي بحرقة) أنا وحدة كاتبيع لحمها باش داوي باها لي مليوح فالدار عاجز كل نهار خاصني زبابل د' لفلوس باش يبقى عايش و باش نعيش خواتاتي و مانخليهومش يوصلو لي وصلت ليه انا حقيرة نساني ماتانستحقش نعيش، وفديك اللحظة قربت ليها وحاوط وجهها بيديا بجوج وبقيت تانشوف فعينيها💏 و ف لحظة حطيت شفافي على شفافها و حسيت بطعم اخر و ماحسيت براسي حتى تانقول ليها تانبغيك و خرجت و خليتها مصدومة مني ف الليل ملي رجعت للدار كان كول ما كانتمنى هو نلقاها فين خليتها واني ناخدها فالحضن ديالي ونخليها تنسى كولشي ونعوضها ولكن تانلقى الدار خاوية مضلمة وفارغة، ماقدرتش نبقى فيها لحظة اخرى بسرعة...

... ماقدرتش نبقى فيها، مرة اخرى بسرعة اتجهت ديركت لتيزنيت وصلت للدار غير حليت الباب وهي تبان ليا هند گالسة فالصالون هي و الواليدة ديالي تايهدرو غير شافتني وهي تبتسم😊 ابتسامة جريئة، حاولت نرسم ليها ابتسامة واخا كان صعيب عليا قربت من الواليدة بست ليها راسها و اعتذرت منهوم بجوج وطلعت للبيت ديالي وبقيت تانفكر ف حلا حتى داني النعاس حيت طيلة الليل مانعستش، فقت و أنا تانحس بتنفس انسان اخر حدايا حليت عيني بجوج واش تنحلم شوية بانت ليا هند ناعسة حدايا نضت بالزربة وبقيت تانشوف فيها وبدات تتحل عينيها صباح الخير حبيبي

- انا : اش هاد قلة الحياء شكون جابك هنا

- هند : ياك انا وياك غادي نتزوجو مافيها والو انا راه تانبغيك

- انا : نتزوجو، واش حماقيتي نوضي خرجي عليا من هنا وماعمري نشوف كمارتك باقي هنا، بعدما خرجات هند من الغرفة ديالي لي خلاتني نتصدم من التصرف ديالها كيفاش ترضى على راسها هاد الدل و أنا نتفكر حلا لي كل مرا تاتبيع راسها لواحد من أجل المال💰 من أجل عائلتها من اجل شرف خواتاتها، ياربي وريني الطريق الصحيح يا ربي مانقدرش نعيش بلا بيها ولا نقدر نسامحها على هاد الشيء لي دارت كيفاش غاندير دابا، بقيت على حالتي شي اسبوع وانا مزير راسي على الخدمة ومابغيتش نفكر فيها ومابقيتش تانحمل ندخل للدار لي قلباتها مي رأسا على عقب تاتوجد للخطبة ديالي على هند لي قتانعت بيها و استسلمت للأمر الواقع الليلة هي الليلة الخطبة وعقد النكاح لي اصرت عليه الواليدة ديالي والخالة، كولشي فرحان و كايوجد فرحان من غيري انا لي تنحس راسي مخنوق وما حامل شي، لبست عليا واحد الكوستيم فالكحل مع قميجة بيضاء و papllion و هند طلات وجهها ب المكياج ولي كانت الفرحة ديالها ماكاتوصفش وعلى وجهها ابتسامة النصر بعدما تجمعت العائلة كولها على مائدة الطعام و كولشي ناشط وفرحان، دخلت العروسة ديالي لي من بعد دقائق غاتولي الزوجة ديالي وغادي نشارك معاها حياتي كانت لابسة تكشيطة فالبيض مع اكسسوارات ديالها رغم البياض ماحسيتهاش انسانة نقية يمكن من حيت التصرفات السوقية لي كانت تاتصرف بيها وقلة الحياء لي تاتعمل دخلت وگلسات حدايا وبعد 5 دقايق دخل العدول لي بدا فالاجراءات اللازمة فالوقت لي سولني واش أنا قابل على هاد الزواج بقيت ساكت تانفكر شوية...

... دخل العدول لي بدا فالإجراءات اللازمة فالوقت لي سولني واش أنا قابل على هاد الزواج بقيت ساكنت تانفكر شوية بدا تيليفوني تايصوني حسيت بيه إشارة باش مانقبلش جاوبت على الاتصال

- انا : ألو

- المتحدتة : واش اسماعيل هدا حلا راه فالمستشفى بين الحياة و الموت، ماحسيت براسي حتى خرجت من الدار وكولشي مصدوم وتحت صراخ هند لي بدات تاتعيط وتبكي، ماحسيتش ولا فكرت فحد حاجة وحدة بانت ليا قدام عينيا هي حلا فقط حلا، اتجهت مباشرة للمستشفى لي خديت العنوان ديالو من عند المتحدتة، وصلت ل عندها ودخلت تانجري بانت ليا ناعسة فالباياص فالعناية المركزة وبقيت تانشوف فيها من مورا الزاج وتاتبان ليا ضعيفة بزاااف ولونها صفر و عينيها ضايرة بيها هالات سوداء، بقيت واقف تانشوف فيها علاش خليتها علاش كنت غاندمر حياتي وحياتها حلا غير فيقي وشوفي فيا ماغاديش نتخلى عليك ماعمري نقدر نعيش بلا بيك، بقات على هاد الحالة يومين وهي ناعسة وماعمرها حلات عينيها بقيت واقف تانتسناها وماعمرني خرجت من عندها وتيليفون ديالي ماعمرو سكت مرة تاتصوني خالتي مرة هند مرة الواليدة حاجة وحدة لي تاتبان ليا تفيق حلا ومابغيتش حتى حاجة اخرى، بقيت ساهي فيها شوية تانحس بيد تحطات على كتافي درت لقيت الخالة ديال حلا لي كانت تاصلات بيا تخبرني بحالة حلا

- نورا : ( خالة حلا ) ولدي خاصك ترتاح وتمشي تاكل شي حاجة

- انا : مانقدرش نخلي حلا خفت تضيع مني

- نورا : انا غانبقا هنا ايلا فاقت غادي نعيط ليك

- انا : علاش خليتيها دير هاد الحالة فراسها

- نورا : انا كنت مسافرة برا خليتها فالدار، داك النهار باقي عاقلا دخلت للدار وهي تاتبكي وتاتگول انا حياتي تدمرات خلاني ماعمرو اسامحني، بقيت تانسكت فيها وگلت شوية غايدوزها الحال حيت فالاواخر كانت ديما تاتبكي وتتقرا فواحد الرسالة لي عرفت مؤخرا بلي نتا لي كتبتيها ليها، خرجت خليتها گلت غاتبكي شوية وغاتنعس ملي تفيق اكيد غاترجع الحالة ديالها، بقيت شي 3 ايام ملي رجعت..

... بقيت شي 3 أيام ملي رجعت لقيتها مليوحة بحال شي جتة هامدة ماعرفتش شحال د' الوقت وهي هاكاك، و كانت حاطة حداها الرسالة ديالك والتليفون مليوح و واحد البواطة ديال دوا حداها، تصدمت من حالتها و بالزربة عيطت للاسعاف لي جابتها للمستشفى فحالة صعبة، هزيت التليفون تانشوف اخر اتصال من الواليدة ديالها عيطت ليها وقالت ليها بلي باباها مات، بعدما عاودات ليا خالتها اللي وقع كسيت بذنب كبير اتجاه "حلا" لي عاشت حياتها كلها فالعذاب من اجل عائلتها، خرجت من المستشفي بعد اصرار الخالة ديالها و تاجهت لأقرب أوطيل أول حاجة درتها دخلت ندوش حليت الماء لي بدا تاينزل على الجسم ديالى وحسيت بالراحة شوية ولكن عقلي كولو كان عند حلا، توضيت صليت ودعيت الله تكون حلا بخير شوية تانسمع التليفون تايصوني بالزربة جاوبت الو

- نورا : الحمد لله حلا فاقت اجي دابا، شكرت الله وحمدتو على استجابة الدعاء ديالي🙌 مشيت للمستشفى دخلت للغرفة لي كانت فيها حل،ا غير شافت فيا بدات تاتبكي قربت ليها وشديت ليها يديها

- حلا: ان.....😢

- انا : شوووووووو✋ ماتهدريش ماتگولي والو خليني غير نشوف فيك أنا مابغيت من هاد الدنيا ايلا نتي انا ماغاديش نتخلا عليك انت انقى و اطهر وحدة عرفتها فحياتي نتى ملاك

- حلا : انا ماعمري رضيت على راسي ولكن الضروف هي لي بزات عليا نوصل لهاد الحالة بزز عليا كانو خاصيني فلوس نعاون بيهوم مي ونداوي بابا عييت مانقلب على خدمة شريفة ولكن فالاخير تنلقا راسي وسط الفساد

- أنا : صافي نساي الماضي ان الله عفو كريم انا غانخليك تنساي كولشي وتعيشي حياة نقية

- حلا : من نهار عرفتك تاتبغيني كان الحلم الوحيد ديالي نعيش معاك ولكن ماكنتش باغا نضلمك معايا

- انا : نتي ماعارفاش بلي الحياة بلا بيك هي الضلم بحد ذاته من اليوم فصاعدا ماعمري نتخلا عليك...

... صافي نساي الماضي إن الله عفو كريم أنا غانخليك تنساي كولشي وتعيشي حياة نقية

- حلا : من نهار عرفتك تاتبغيني كان الحلم الوحيد ديالي نعيش معاك ولكن ماكنتش باغا نضلمك معايا

- أنا : نتي ماعارفاش بلي الحياة بلا بيك هي الضلم بحد ذاته من اليوم فصاعدا ماعمري نتخلى عليك، بعد أسبوع خرجات حلا من المستشفى رافقتها للدار ديالها ف مراكش وتكلفت بجميع الإجراءات ديال السلكة ديال الأب ديالها ولي كانت صعيبة على حلا بالخصوص الفقدان ديال الأب ديالها وكنت ديما فجنبها لأنو كانت أهم حاجة محتاجها هى الحنان والرعاية، بعدما تأكدت بلي هي بخير رجعت للدار وبعد صراع كبير قنعت الواليدة ديالي بلي التصرف لي درت هو الصحيح لأني ماكنتش قادر نعيش حياتي مع هند لي أكيد غادي يكون المصير ديالها الفشل أكيد و لأنو القلب ديال الأم دائما حنين ف سامحاتني وهدرت ليها على حلالي و قررت نتزوج بيها بعد مرور شهرين على الموت ديال الأب ديالها، يوم الزفاف لي كان مناسبة بسيطة احتراما للموت دال الاب ديالها، وقعنا على عقد النكاح لي كان أجمل لحظة حسيت فيها باني متلكت الدنيا و أجمل فتاة شافتها عيني ولات من نصيبي لي كانت متألقة اللون الأبيض ولي باين على الملامح ديالها الملاك والبراءة لي تاتفتقد ليها بعض الفتيات رغم انهن ماكيمارسوش الرديلة إلا أن الطهر ماشي بالضرورة ارتبط بالعدرية فما نحكموش على الاخر بسبب الضروف ديالو اللي فرضات عليه يكون فوحد الوضع بعدما تزوجنا استقرينا و عشت احلى ايام حياتي مع حلا لي غيرات حياتي و استطعت نبني معاها حياة سعيدة و نربيو ولادنا أحسن تربية...

#النهاية